Um okkur

Baldvin er annar tveggja eigenda Akrar Consult.

Hann hefur 26 ára starfsreynslu á fjármálamörkuðum og víðtæka reynslu af fjárfestingum og lánamálum. Baldvin var yfirmaður á lánasviði í Búnaðarbanka og Landsbanka og í kjölfarið útibússtjóri útibús Landsbankans í London. Hann stýrði endurheimtum á útibúi Landsbankans í London í 3 ár og kom að sölu á umfangsmiklum eignarhlutum í eigu útibúsins.

Viðskiptafræðingur að mennt, með Cand. Oecon. frá Háskóla Íslands og hefur starfað í ýmsum stjórnum heima og erlendis. Var m.a. stjórnarformaður Iceland Foods í Bretlandi og er núverandi stjórnarformaður heildsölunnar Innnes ehf. Baldvin hefur starfað við ráðgjöf og fjárfestingar frá árinu 2011.

Ívar er annar tveggja eigenda Akrar Consult og býr að áratuga reynslu á fjármálamörkuðum sem stjórnandi í fjármálafyrirtækjum, ráðgjafi, fjárfestir og stjórnarmaður.

Hann hefur víðtæka reynslu af ráðgjöf við kaup og sölu fyrirtækja og rekstrareininga, samruna og skráningu félaga á markað. Ívar hefur komið að mörgum fjárfestingum í gegnum tíðina, bæði sem fjárfestir og ráðgjafi.

Viðskiptafræðingur að mennt, Cand. Oecon. frá Háskóla Íslands, og lauk MBA-námi við E. J. Ourso College of Business, LSU. Er jafnframt löggiltur verðbréfamiðlari. Ívar var yfirmaður fyrirtækjaráðgjafar Íslandsbanka og yfirmaður hlutabréfafjárfestinga hjá Búnaðarbankanum og Landsbankanum, bæði í skráðum og óskráðum bréfum.

Hann hefur setið í stjórnum fjölmargra félaga á Íslandi og erlendis og situr nú í stjórnum EpiEndo Pharmaceuticals og nokkurra eignarhaldsfélaga. Ívar hefur starfað við ráðgjöf og fjárfestingar frá árinu 2010.